મિત્રો,
મહેસૂલ વિભાગ દ્વારા મહેસૂલી તલાટી અને ક્લાર્ક માટે ફક્ત (???) 1500 જગ્યાઓની જાહેરાત
થોડા દિવસો પહેલા જ પ્રસિદ્ધ કરવામા આવી. ‘ફક્ત’ શબ્દ એટલા માટે વાપર્યો, કારણ કે 1500
જગ્યાઓની સામે લાખોની સંખ્યામાં ફોર્મ ભરાયા છે. એકસાથે આટલા બધા ફોર્મ ભરાયા હોવાનું
કારણ પરીક્ષાની શૈક્ષણિક લાયકાત (ધોરણ 12 પાસ) છે. ફક્ત 12 પાસ જ લાયકાત માંગી
હોવાથી શાળામાંથી હાલમાં જ નિકળ્યા હોય તેવા હજારો નહી પણ લાખો વિદ્યાર્થીઓએ આ
પરીક્ષા માટે ફોર્મ ભર્યુ છે !!!!
ફોર્મ ભરવાની છેલ્લી તારીખ 30 જાન્યુઆરી, 2014 રાખવામા આવી છે અને પરીક્ષાની સંભંવિત તારીખ 16 ફેબ્રુઆરી જાણવા મળેલ છે! ફોર્મ ભર્યાના ફક્ત 16 દિવસમાં જ આ રીતે પરીક્ષા લેવાય તો શાળાઓમાંથી અભ્યાસ કરીને આવેલા ફ્રેશ વિદ્યાર્થીઓને આ પરીક્ષા માટેની તૈયારી કરવાનો મોકો મળશે જ નહી. જો કે, વિભાગ દ્વારા ઓફિશીયલી આ તારીખ જાહેર કરવામાં આવી નથી પણ જો 16 ફેબ્રુઆરી જ તારીખ રાખવામાં આવે તો હજારો વિદ્યાર્થીઓ તેના માટેની તૈયારી કરી શકશે નહી ઉપરાંત ફોર્મ અને ચલણ ભરવા માટે બરબાદ થયેલ સમય અને રૂ.112ની ચોખ્ખી ખોટ આવવાની જ. L
જો પરીક્ષાની તારીખ 16 ફેબ્રુઆરી જ રાખવામા આવે તો CTET પરીક્ષાની તારીખ પણ તે જ છે. તો આ બન્ને પરીક્ષાઓ આપનારા વિદ્યાર્થીઓ માટે એક મોટી મુસીબત થઇ પડશે તે પણ એક સ્પષ્ટ બાબત છે.
પણ આપણે (કદાચ) એવી આશા રાખી શકીએ કે વિકાસના આદર્શ ગણાતા આ ગુજરાતમાં વિદ્યાર્થીઓ પર ફક્ત ચૂંટણીના લીધે આ પ્રકારનું વલણ રાખવામાં નહી આવે અને ફ્રેશ વિદ્યાર્થીઓને પરીક્ષાની તૈયારી કરવા માટેનો પુરેપુરો સમય આપવામાં આવશે. કદાચ આ પરીક્ષા માટે16 ફેબ્રુઆરી તારીખ જ નક્કી કરવામા આવે તો ??? --- તો કંઇ નહી. આપણને તો આદત છે જ આ પ્રકારની તકલીફો સહન કરવાની... સાચુ ને?
દરેક વિદ્યાર્થીઓને પરીક્ષાની તૈયારી કરવા માટે સમય મળી રહે તે પ્રકારની તારીખ નક્કી કરવા બોર્ડને સદબુદ્ધિ આપે તેવી પરમ કૃપાળુ પરમાત્માને પ્રાર્થના...
આપની સફળતા માટે શુભેચ્છાઓ... - Gaurav Solanki
